Tangg…

Aisa kyun hai ke aajki zindigi mein insan her kisi se aur her chiz se tang hai.

Koi humse bht pyar kerey, hum usse tang ajatey hein.

Koi humse bht nafrat kere to hum usse tang ajatey hein.

Koi humara bht khiyal kere, hum usse tang aajatey hein.

Koi humme poochey, humse sawal kere to hum usse tang ajatey hein.

Koi humaray kaam kerey to hum usse bhi tang ajatey hein.

Aur koi na kerey to usse bhi tang rehtey hein.

Itni ghutton mein zindigi guzartey hein. Kisi ka hal poochney se pehle bhi sochtey hein. “Kahin woh mujhse tang to nahi ho rha.”

Pyar mein bhi sochna perta hai.

“Kahin mein koi had paar na kerdon. Kahin woh mere se uljhen mehsoos na kere. Kahin meri muhabbat uske liye ghuttan na ban jaye. Kahin mera sawal usse door na le jaye.”

Kash aisa hota ke yeh sab sochey bagheir hum apni muhabbat ka ozhar ker saktey. Phir chahe woh muhabbat aik ustad keliye ho. Maan Baap keliye ho. Behn bhai keliye ho. Dost ahbab keliye ho. Ya us insan keliye jisko hum rozana door se deikhtey hein per usse bat kerne ki himmat nahi rekhtey. Ya us dost keliye jisse shayad hum dosti se berh ker mhbt kertey hein per keh nahi saktey. Ya us bachey keliye jo humarey ghr mein kam kerne waley ka hai, aur isiliye hum usse galey laganey se katratey hein. Ya us hasti keliye jisse lafzon mein qaid kerna bhi mushkil hai.